(NPK-NTB): Raudt-paret Mímir Kristjánsson (39) og Sofie Marhaug (36) har vorte foreldre. Barnet har fått namnet Einar Óðinn Mímisson Marhaug og kom til verda 9. august.

– Alle er friske og har det bra, skriv Marhaug i eit innlegg på Facebook.

I februar delte paret at dei skulle få barn i sommar.

– Dette betyr også at eg tek ein pause frå Stortinget i haust, og at den gode varaen min Terje Kollbotn vil vere Raudts mann i energi- og miljøkomiteen i mellomtida. Det kjem også til å bli veldig bra, skreiv Marhaug den gongen.

I innlegget takkar dei jordmødrene ved Stavanger universitetssjukehus.

Kristjánsson har to barn frå eit tidlegare forhold.

(©NPK)