(NPK-NTB): Ei norsk kvinne i 20-åra frå Vesterålen mista livet som følgje av ei trafikkulykke i Thailand.

– Utanriksdepartementet er kjend med at ein norsk borgar er omkommen i Thailand. Av omsyn til teieplikta kan vi ikkje gi detaljar i saka, opplyser Utanriksdepartementet til Bladet Vesterålen.

Kvinna døydde som følgje av ei trafikkulykke som skjedde førre veke, ifølgje avisa.

Avisa har snakka med familien til kvinna, som seier dei er i sjokk og sorg. Kvinna blir beskriven som ei aktiv kvinne som snart var ferdig med utdanninga.

(©NPK)