(NPK-NTB): Ei rekke offentlege tenester var natt til måndag utilgjengelege, ifølgje Digitaliseringsdirektoratet (Digdir), før situasjonen stabiliserte seg utover morgonen. Men no har det forverra seg for fleire av dei.

– Vi ser ei forverring i ID-porten, Ansattporten, Kontakt- og reservasjonsregisteret, opplyser Digidr i ei oppdatering klokka 12.08.

Problema starta klokka 3.38 natt til måndag, ifølgje Digdir. Måndag morgon opplyste Digitaliseringsdirektoratet at det dreidde seg om eit tenestenektangrep, og at dei byrja å få kontroll på saka.

Digdir opplyste at ti tenester var omfatta av problema, blant dei ID-porten, MinID, Altinn og eInnsyn.

(©NPK)