(NPK-NTB-Reuters): FNs menneskerettssjef Volker Türk seier han er bekymra over auken i bruken av dødsstraff i Iran sidan mars. Minst 56 personar er avretta i denne perioden.

27 av avrettingane er knytte til protestane tidlegare i år, seier Türk i ei fråsegn onsdag.

– Eg er alarmert over auken i avrettingar og dødsstraffer i Iran sidan mars, og at dødsstraff framleis blir brukt for å skape frykt i befolkninga og undertrykkje kritiske røyster, seier Türk.

Over 100 personar skal ifølgje FN-sjefen stå i fare for å bli avretta. Han oppmodar iranske styresmakter til å stanse alle avrettingar og heller arbeide for å avskaffe dødsstraff.

Iran avretta måndag to menn sikta for spionasje og samarbeid med Israel.

Iranske styresmakter har forsvart rettsprosessane i landet og bruken av dødsstraff som nødvendige tiltak for å halde oppe offentleg ro og orden.

(©NPK)