(NPK-NTB): Ei rekke store TV-produksjonar kan rammast av streik om ikkje Norsk filmforbund blir samde med Hovedorganisasjonen Virke i dag.

Filmforbundet har varsla streikeuttak blant TV-arbeidarar i fleire produksjonar, mellom anna «Farmen kjendis», «71 grader nord kjendis», «Skal vi danse», «Fra bølle til bestevenn» og «Kokkeskolen».

– Krava våre er nødvendige å få innfridd for at bransjen skal halde på verdifull kompetanse og folk som brenn for å lage knallbra TV og film, seier forbundsleiar Elisabeth O. Sjaastand i ein pressemelding.

Meklingsfristen er ved midnatt natt til tysdag, men det er vanleg at meklingar held fram på overtid. Då forhandlingane mellom partane vart brotne i juni, var det stor avstand.

Dei som blir tekne ut i streik, er mellom anna produksjonsleiarar, produksjonsassistentar, manusforfattarar, klipparar og lydteknikarar.

(©NPK)