(NPK-NTB): Statssekretær Andreas Motzfeldt Kravik reiser til Washington D.C. 19. august for å møte USAs visehandelsrepresentant Jeff Goettman.

På dagsordenen står dei nye amerikanske tollsatsane mot Noreg, og dessutan ei amerikansk handelsundersøking om overkapasitet.

– USAs tollpolitikk skaper stor uvisse for norske eksportbedrifter. Derfor reiser statssekretær Kravik til Washington for å fremje norske interesser og gjere klart kvifor vi meiner det ikkje er grunnlag for tolltiltaka mot Noreg, seier utanriksminister Espen Barth Eide i ei pressemelding.

I forkant av besøket har regjeringa vore i kontakt med sentrale næringslivsorganisasjonar og partane i arbeidslivet for å informere om møtet og hente innspel.

– Regjeringa har løpande kontakt med næringslivet, og innspela deira er viktige i dialogen med amerikanske styresmakter, seier Eide.

(©NPK)