Straumprisen for norske hushald fall med 6,6 prosent i andre kvartal 2026 samanlikna med same periode i fjor.

Det viser nye tal frå Statistisk sentralbyrå (SSB).

Med støtte frå styresmaktene trekt frå enda gjennomsnittleg straumpris på 117,9 øre per kWh i kvartalet. I same kvartal i 2025 var prisen 126,2 øre per kWh.

Støtta frå styresmaktene auka kraftig, frå 4,8 øre per kWh i andre kvartal 2025 til 55,3 øre per kWh i andre kvartal i år.

– Den store støtta frå styresmaktene i andre kvartal bidrog til at samla straumpris for hushalda faktisk var på sitt lågaste nivå sidan tredje kvartal i 2024, trass i den høge innkjøpsprisen på elektrisitet, seier seniorrådgivar Ståle Skrede i SSB.

Utan støtteordningane var straumprisen den høgaste for andre kvartal sidan energikrisa i 2022.

(©NPK)