(NPK-NTB-Reuters): Det brenn i eit industriområde i Salavat i Russland etter eit ukrainsk droneangrep natt til torsdag. Det brenn òg i hamna i Izmail i Ukraina etter russiske angrep.

I Salavat ligg eit større oljeraffineri som igjen er ein del av eit større petrokjemisk industriområde.

Salavat ligg i den russiske republikken Basjkortostan, og det er leiaren i republikken Radij Khabirov som melder om angrepet på meldingsappen Telegram.

Samtidig blir det også meldt om brann i Ukraina etter eit russisk angrep andre vegen.

Lokale styresmakter skriv på Telegram at angrepet førte til skadar i tillegg til å utløyse brannen.

Izmail, som ligg nær grensa til Romania, er Ukrainas største hamn langs elva Donau. Ho handterer korn og andre råvarer.

(©NPK)