Nyheitsbyrået AP, NBC News og fleire andre har kåra Crowley til vinnar etter eit tett løp. Han kan dermed bli delstatens første svarte guvernør. Førebels er ikkje resultatet stadfesta.
Dermed er det venta at David Crowley skal møte kandidaten for republikanarane Tom Tiffany til kamp om å bli guvernør i delstaten om knappe tre månader. Delstaten har lenge vore styrt av republikanarane.
Ein splittande kandidat
Meir moderate demokratar frykta at 37 år gamle Hong, som jobbar deltid som bartender, ville koste partiet sigeren i den viktige vippestaten, ifølgje The Wall Street Journal. I eit innlegg i sosiale medium tok ho til orde for å avskaffe den amerikanske høgtida Thanksgiving, då ho meinte tradisjonen heidra kolonialistar. Innlegget er no sletta, men det fekk fleire republikanarar til å sjå raudt, ifølgje Fox News.
Ho støtta legalisering av marihuana for å finansiere høgfartsbreiband. Hong støtta også skattefinansiert barnepass, daglegvarebutikkar drivne av staten, sletting av all studiegjeld, gratis helsehjelp for alle, 32-timars arbeidsveke, avvikling av innvandringspolitiet ICE, gjeninnføring av stemmerett for domfelte og ei gradvis avskaffing, eller i det minste reduksjon, av fengsel og politi.
Eit viktig val
På grunn av Hongs radikale synspunkt har republikanarar brukt mykje pengar på å gjere henne synleg for demokratiske veljarar. Det er fordi dei meinte ho ville bli ein enkel kandidat å slå, skriv The Wall Street Journal vidare.
Primærvalet i Wisconsin får stor merksemd ettersom det også kan få konsekvensar for kongressvalet og presidentvalet om to år. Viss demokratane sikrar seg fleirtalet i delstatsforsamlinga, vil ein guvernør frå eige parti gjere det mogleg å endre inndelinga av valkrinsane for å nøytralisere forspranget som Republikanarane sikra seg med valkrinsreforma tidlegare i år.
Det kan bli avgjerande for kampen til demokratane for å sikre seg kontrollen over Representanthuset i 2028.
(©NPK)
0 kommentarer