(NPK-NTB): Nesten halvparten av befolkninga ønskjer å kutte i formuesskatten eller fjerne han heilt, viser ei ny undersøking.

I ei ny undersøking gjort for Klassekampen svarer 49 prosent at dei vil kutte i formuesskatten eller fjerne han heilt.

Blant Arbeidarpartiets veljarar er biletet eit anna: 69 prosent av Ap-veljarane ønskjer å behalde eller auke formuesskatten, medan 21 prosent meiner han bør kuttast eller fjernast.

– Det er verdt å merkje seg at eit fleirtal vil behalde formuesskatten. Arbeidarpartiet meiner formuesskatten er viktig for å sikre rettferdig fordeling, skriv statssekretær Ellen Reitan (Ap) i Finansdepartementet i ein kommentar til avisa.

Skattekommisjonen opnar for kutt i formuesskatten med inntil 20 milliardar kroner. Rapporten frå kommisjonen er på høyring til 24. september, før regjeringa legg fram ei stortingsmelding med forslag til endringar.

(©NPK)