(NTB-AFP-NPK): Kraftige skogbrannar truar ein turiststad på den greske øya Kreta, og fleire tusen menneske vart seint onsdag kveld evakuerte frå området.

– Vi evakuerte rundt 8.000 menneske frå Agia Galini, opplyser ein talsperson for styresmaktene i Réthymno-området til den statlege TV-kanalen ERT.

Agia Galini er ein landsby som ligg heilt på sørsida av Kreta i Rethymnin-regionen, omtrent 60 kilometer frå Rethymnon by.

200 brannmannskap kjempa torsdag morgon mot flammane, men kraftig vind i området gjorde sløkkingsarbeidet vanskeleg.

Onsdag vart to brannkonstablar funne omkomne etter at brannbilen deira vart fanga av flammane på ein fjellveg i nærleiken av landsbyen Krya Vrysi.

(©NPK)