Minst ti menneske er drepne i angrep mot Zaporizjzja, Dnipro og Kyiv, opplyser ukrainske styresmakter.

Kyivs ordførar Vitalij Klitsjko seier Russland skaut ballistiske rakettar mot den ukrainske hovudstaden natt til tysdag. På Telegram bad han folk halde seg i tilfluktsromma.

Minst éin person vart drepen i angrepet. Fleire medium melder at eksplosjonar kunne høyrast over byen etter at flyalarmen gjekk.

Også byen Zaporizjzja vart angripen seint måndag kveld. Ifølgje guvernør Ivan Fedorov vart sju menneske drepne og 24 til såra.

Ved 1-tida natt til tysdag gjekk flyalarmen igjen, og folk vart bedne om å komme seg unna. I etterkant har stålgiganten Zaporizjstal varsla at dei stansar all drift inntil vidare.

I Dnipro-regionen sentralt i Ukraina vart tre drepne i russiske drone- og artilleriangrep.

(©NPK)