(NPK-NTB): Tusenvis av innbyggjarar er råka av dataangrepet mot Lørenskog kommune, der mellom anna pasientjournalar vart lekne. Fagforbundet ber om nasjonal skylagring.

– Det er ei sak vi har jobba tett med Justis- og beredskapsdepartementet om, og vi etterlyser fortgang, seier Trond Finstad, leiar for kontor og administrasjon i Fagforbundet, til Fagbladet.

Fagforbundet har saman med Norsk Tjenestemannslag (NTL) lenge bede om at alle offentlege instansar skal lagre data i ei nasjonal skyteneste.

– Ei nasjonal skyløysing vil gi vesentleg betre tryggleik, men det er vanskeleg å seie om ei nasjonal løysing kunne forhindra eit konkret dataangrep. Hackarar bruker metodar som er i stadig utvikling, seier han.

Dataangrepet mot Lørenskog kommune skjedde ved at ein tilsett i kommunen gjekk inn på det som såg ut som ei heilt vanleg nettside, og lasta ned ei fil. Hackarar kom seg dermed inn på serverane til kommunen.

Då angrepet vart kjent i mai, trudde kommunen først at ingen sensitive personopplysningar var på avvegar. I juli kom det fram at mellom anna pasientjournalar og barnevernssaker er lekne på det mørke nettet. Fleire tusen innbyggjarar er ramma.

(©NPK)