(NPK-NTB): DNB hadde problem med fleire tenester tysdag, blant dei nett- og mobilbank. Banken hadde trøbbel også måndag.

Kommunikasjonsrådgivar Øivind Skorve stadfesta måndag morgon til fleire medium at banken hadde problem med fleire tenester.

– Vi har i dag hatt problem med nokre av tenestene våre. Dette har mellom anna påverka overføringar og betalingar i nettbank og mobilbank og dessutan saldo i Vipps og Spare-appen, seier kommunikasjonsrådgivar Øivind Skorve i DNB til NTB like etter klokka 10.

Bankaxept og Visa har stort sett gått som vanleg, legg han til.

– Systema skal no fungere tilnærma som normalt. Vi beklagar ulempene dette har medført for kundane, seier han vidare.

Også VG og TV 2 har omtalt problema.

Skorve seier ikkje noko om kva som forårsaka vanskane.

(©NPK)