Ein mann i 80-åra vart måndag angripen av ei kvige i Ål. Han døydde av skadane.

Dei pårørande var på staden då nødetatane kom. Det vart først meldt at mannen verka alvorleg skadd, før han kort tid etter vart meld død.

– Det vart gjort forsøk på gjenoppliving av pasienten. Livet hans stod dessverre ikkje til å redda, og han vart erklært død på staden, opplyser operasjonsleiar Per Magne Eftang i Søraust politidistrikt i politiloggen.

Politiet undersøkjer saka. Hendingsgangen er førebels uavklart. Politiet veit ikkje om avdøde var åleine då hendinga fann stad.

Politiet melde om hendinga klokka 12.43 måndag.

(©NPK)