(NPK-NTB): Skuleferien baud på svært ulikt vêr rundt om i landet. Drammen hadde 57 sommardagar, medan Bodø og Sandnessjøen ikkje hadde éin einaste.

Sandnessjøen toppar lista over regndagar med 49, tett følgt av Bodø med 40 og Tromsø med 34 regndagar gjennom skuleferien frå 20. juni til 16. august, ifølgje Meteorologane.

På Sørlandet og Austlandet var biletet eit heilt anna. Drammen hadde flest sommardagar av alle målestasjonane med 57. Oslo hadde 54 og Kristiansand 48.

Ein sommardag blir definert som eit døgn der temperaturen når minst 20 grader.

Bergen hadde 19 sommardagar og 32 regndagar, medan Trondheim enda på 6 sommardagar og 33 regndagar.

(©NPK)