(NPK-NTB): Fredag jobba brannmenn på spreng mot klokka for å redde eit 1.000 år gammalt kloster i nordaust-Spania medan ein veksande skogbrann trua med å øydeleggje beinrestar etter mellomalderkongar.

Brannen braut ut tidlegare denne veka og kom farleg nær to kloster ved San Juan de la Peña torsdag. Dei ligg i eit kupert og fjellrikt terreng. Klostera er eit symbol for Aragon-regionen.

Det eldste klosteret har ifølgje legenda tilknyting til den heilage gralen, og har røter tilbake til 900-talet. Det inneheld restane av dei første kongane i det mellomalderske kongeriket Aragon.

Skogbrannar har herja over 283.000 hektar i Spania i år, ifølgje det europeiske skogbrannvarslingssystemet EFFIS. 2025 var eit rekordår for landet der nesten 400.000 hektar vart ramma av skogbrann.

(©NPK)