(NPK-NTB): Ein 24 år gammal mann som har vore sakna sidan ein båtvelt i ei elv i Gloppen 21. juni, er funnen død.

Det opplyser talsmann for familien, Jan Erik Mardal, til Firda Tidend.

Det var Thomas Niiranen Hamre som vart funnen død. Han vart funnen søndag.

– Han vart funnen i eit område av elva som det tidlegare har vorte søkt i, mellom Sanddalsvatnet og Lonevatnet, seier Mardal.

Familien er letta, men også prega, seier han.

– Dei vil igjen takke alle som på ulikt vis har bidrege i desse vekene Thomas har vore sakna.

(©NPK)