OsloMet avlyser organiserte aktivitetar som undervisning, arrangement og møte i tidsrommet frå klokka. 12.30–15.00, skriv universitetet på sidene sine.
– Unntaket frå dette er undervisningsaktivitetar som er strengt nødvendige å gjennomføre. Gjennomføring av slike aktivitetar skal godkjennast av rektoratet.
Avlyst undervisning
Universitetet i Oslo (UiO) vil gjere det same.
Dette opplyser pressekontakt på UiO, Camilla Chausse, i ein e-post til NTB.
– UiO legg til rette for at tilsette og studentar kan følgje gravferdsseremonien for kong Harald V onsdag 9. september. Undervisning blir derfor i all hovudsak avlyst frå klokka 12.00, skriv ho.
Seremonien startar klokka 13.00 i Oslo domkyrkje og blir innleidd med eitt minutts stille over heile landet. I forkant av dette vil det vere prosesjon frå Slottet til Oslo domkyrkje, og etter seremonien blir det prosesjon til Akershus festning.
Studentar involverte i oppdraget
Fleire studiesamlingar ved Politihøgskolen (PHS) i veke 36 og 37 er utsette, melder Universitas og viser til Politiforum.
– Fleire av studentane ved våre etter- og vidareutdanningar vil vere involverte i ulike oppdrag i samband med kong Haralds bortgang, seier Toril Bertheussen, seksjonsleiar ved studieadministrasjonen ved PHS, til Politiforum.
(©NPK)
0 kommentarer