– Vi gler oss stort til å ønskje heile gammaldans-Noreg velkomen til Vågå. At vi i jubileumsåret kan ønskje velkomen til rekordstor deltaking, er både inspirerande og gledeleg, seier Arne Stasviken, leiar i hovudkomiteen for Landsfestivalen 2026, i ei pressemelding.
Bak står FolkOrg – organisasjon for folkemusikk og folkedans, medan arrangøren i år er Vågå Trekkspelklubb.
Når jubileumsutgåva av Landsfestivalen går av stabelen 29. juli–2. august, er det med 1007 deltakarar fordelte på 304 startnummer, og meir enn 70 grupper og lag.
Noko av det som gjer at Landsfestivalen blir omtalt som heilt unik, er at publikum kan danse til nesten alle konkurransane – frå morgon til langt utpå natta.
«Medan musikarane tevlar på scena, er dansegolvet ope for alle», heiter det i omtalen.
(©NPK)
0 kommentarer