– Familien vil ikkje gi fleire kommentarar om medisinske forhold knytte til dødsfallet, men vil nytte høvet til å takke alle som har vist tolmod og forståing knytt til spørsmålet om dødsårsak, står det.
Ro-legenda døydde tysdag, 50 år gammal. Han døydde på Rikshospitalet i Oslo, dit han vart bringa etter å ha vorte funnen medvitslaus på Tufte gard dagen før.
Dødsfallet vart meldt i ei pressemelding på vegner av familien, men det vart då ikkje opplyst noko om dødsårsak.
Olaf Tufte var ein av Noregs mest folkekjære idrettsheltar. Han var den første nordmannen som vann internasjonale titlar i singlesculler. Han vann VM-gull i 2001 og 2003, OL-gull i 2004 og 2008.
Han deltok i alle sommar-OL frå Atlanta i 1996 til Tokyo i 2021, altså ein periode på 25 år. Han var den første nordmannen med deltaking i sju olympiske leikar.
(©NPK)
0 kommentarer