(NPK-NTB): Oljeproduksjonen på norsk sokkel var i juli 9,9 prosent lågare enn i same månad i fjor, viser førebelse tal frå Sokkeldirektoratet.

Det vart i gjennomsnitt produsert 1,776 millionar fat olje per dag i juli. Det er 2,6 prosent mindre enn i juni og 2,1 prosent under prognosen til Sokkeldirektoratet for månaden.

Den samla væskeproduksjonen, som også omfattar NGL og kondensat, var på 1,976 millionar fat per dag. Det er 9,1 prosent mindre enn i juli i fjor.

Gassproduksjonen auka derimot. Det vart selt 10,9 milliardar standard kubikkmeter gass i juli, 0,9 milliardar meir enn månaden før. Den daglege gassproduksjonen var 6,3 prosent høgare enn i juli i fjor.

Så langt i år er det produsert rundt 142,8 millionar standard kubikkmeter oljeekvivalentar petroleum på norsk sokkel. Det er 5,5 millionar kubikkmeter oljeekvivalentar meir enn på same tid i fjor.

Oljeproduksjonen så langt i år ligg 4,5 prosent over prognosen.

(©NPK)