(NPK-NTB): Hos Sjømat Norge, NHO Reiseliv og Offshore Norge har auka sjømateksport, turisme og oljeprisen i juli sørgt for meir optimisme.

I sjømatnæringa var eksporten svært høg i juli, som følgje av høg produksjon. I sommar har dessutan reiselivet hatt stor pågang frå utanlandske turistar, medan framleis høg oljepris gjer at situasjonen og utsiktene har betra seg i Offshore Norge. Rogaland og Troms verkar mest positive til situasjonen i juli.

Det viser NHOs medlemsundersøking for august, der 1481 bedrifter har svart på synet på situasjonen no og seks månader fram i tid. Resultata viser eit sprik mellom bransjar og fylke.

Totalt sett er det likevel mykje pessimisme i norsk næringsliv, og 21 prosent trur situasjonen deira blir svekt dei neste seks månadene.

– Utsiktene blant NHOs medlemsbedrifter er framleis svake, men betra seg noko frå juli til august, er hovudkonklusjonen.

Totalt sett er synet på nosituasjonen betre enn i juni og juli. 21 prosent vurderer situasjonen som god, og ein like stor del vurderer han som dårleg. NHO meiner ein litt styrkt kronekurs den siste månaden kan ha bidrege.

(©NPK)