(NPK-NTB): Skadeleg desinformasjon bidrog til migrantkrisa i Ceuta i Nord-Afrika i juli. No har EU fått Meta og TikTok til å gå med på strengare faktasjekkar på området.

Dei to gigantane innan sosiale medium har frivillig gått med på å ta fleire grep, men EU-kommisjonen seier dei ikkje utelukkar å tvinge dei til å gjere meir.

Rykte som at grensa ved Ceuta var open spreidde seg raskt på internett i Marokko og andre delar av Nord-Afrika i juli, noko som førte til at 72.000 migrantar torna inn mot den spanske eksklaven i Afrika i slutten av juli. Mange er framleis stranda i Ceuta, og fleire titals døydde også i dramaet.

(©NPK)