(NTB-NPK): Ei kvinne i 40-åra vart funnen død i Vangsvatnet i Voss søndag ettermiddag.

Dei pårørande er varsla, melder politiet.

– Det er vedteke obduksjon og politiet har oppretta ei undersøkingssak. Politiet vil ikkje gi fleire opplysningar i samband med saka no i natt, skriv operasjonsleiar Knut Dahl-Michelsen.

Kvinna vart funnen av ein forbipasserande klokka 16.32 søndag ettermiddag.

– Kva som har skjedd og kvifor vedkommande har hamna i vatnet, har vi inga oppfatning om, seier operasjonsleiar Ole Ronny Olsen i Vest politidistrikt til BA søndag kveld.

(©NPK)