(NPK-NTB-TT): Inflasjonen i Sverige gjekk ned til 0,7 prosent i juli, frå 1,3 prosent månaden før. Fallet var venta.

Analytikarar hadde i snitt spådd ein inflasjon på nettopp 0,7 prosent.

– Energiprisane fall kraftig i juli og trekte inflasjonen ned, seier prisstatistikar Mikael Nordin i Statistiska centralbyrån (SCB) til TT.

Han peikar på at den mellombelse skattereduksjonen på drivstoff og den statlege subsidien av månadskort til kollektivtrafikken, innført 1. juli, også bidrog til den låge inflasjonen.

Målt med konsumprisindeksen (KPI) fall inflasjonstakten til 0,2 prosent, ned frå 0,7 prosent i juni.

Inflasjonsmålet til Riksbanken er ein inflasjon på 2,0 prosent – eit mål som altså er langt unna å bli nådd.

(©NPK)