(NPK–NTB): Sommaren har vore rekordvarm på Svalbard. Havoverflata var over 3 grader varmare enn normalen i juli.

Det seier oseanograf Randi Ingvaldsen i Havforskingsinstituttet.

Nokre av dei raskaste og kraftigaste klimaendringane skjer i Barentshavet. Havområda rundt øygruppa blir oftare enn før påverka av marine varmebølgjer, ifølgje instituttet.

Havforskarar er no på tokt i området for å kartleggja tilstanden til økosystema. Det internasjonale toktet har gått føre seg kvart år sidan 2004. I løpet av seks veker skal fire forskingsfartøy samla inn data frå Barentshavet.

(©NPK)