(NPK-NTB): Equinor kjøper 87,71 prosent av A-aksjane i gasskraftverket Lackawanna Energy Center i Pennsylvania for 940 millionar dollar.

Det opplyser Equinor i ei pressemelding. Kjøpesummen svarer til litt i underkant av 9 milliardar norske kroner.

Kraftverket er blant dei største og mest effektive i PJM-marknaden, den største elektrisitetsmarknaden i USA.

– Etterspurnaden etter kraft i PJM-marknaden veks raskt, drive av elektrifisering, datasenter og industriell aktivitet, seier Helge Haugane, konserndirektør for kraft i Equinor.

Han viser til at investeringa vil gi kontantstraum på kort sikt og forventa langsiktig verdiskaping.

Til Dagens Næringsliv seier han at mesteparten av kjøpesummen vil vere betalt tilbake i 2030.

(©NPK)