(NPK-NTB): Dødstalet etter flaumkatastrofen i grenseområdet mellom Nepal og Tibet har auka til 1130 menneske.

Det var onsdag førre veke at ei enorm bølgje av is, stein og vrakgods rasa gjennom Himalaya-regionen og skylde bort landsbyar og tettstader.

Talet på stadfesta døde i Nepal har auka til 1114, opplyser etaten i landet for krisehandtering onsdag. I Tibet har kinesiske styresmakter meldt om 16 døde.

Over 11.800 menneske er så langt redda, medan redningsarbeidarar jobbar på spreng med å finne dei over 4000 som enno er sakna.

(©NPK)