(NPK-NTB): Hetebølgje på hetebølgje har ramma Frankrike i år. Det fører til at innhaustinga av vindruer i Champagne-regionen allereie er i gang.

Druehausten startar mellom 8. og 22. august i år, avhengig av stad og druevariant, kunngjer bransjeorganisasjonen Comité Champagne.

Det er rekordtidleg. Sidan 1980-talet har datoane for innhausting av vindruer i Frankrike komme tidlegare og tidlegare, og i Champagne skjer det no to veker tidlegare enn det gjorde for 20 år sidan.

Ifølgje Comité Champagnes nestleiar David Chatillon ser kvaliteten god ut i år, trass at salskvoten er redusert for fjerde året på rad. Nytt av året er også at det franske landbruksdepartementet lèt produsentar kjøpe heile 15 prosent av druene og vinane sine frå andre, mot den vanlege grensa på 5 prosent. Dette kjem av at nærare 40 prosent av spirene døydde i ein sein frost på våren, og tørke dessutan har gått utover mange druer.

(©NPK)