(NTB-NPK) Ein bjørn vart onsdag felt i Midtre Gauldal i Trøndelag etter eit saueangrep.

Arbeidets Rett skriv at Holtålen kommune fekk fellingsløyve 1. august etter eit dokumentert saueangrep i området.

Fellingsleiar Jan Arne Berdal trur dei har felt den rette bjørnen. 15-20 personar var med på jakta.

– Det var ein hannbjørn, og han var ikkje så stor som vi kanskje hadde rekna med. Han er ikkje vegen enno, men eg tviler på at han veg så mykje over 100 kilo, seier Berdal.

Han fortel at ingenting tyder på at det er fleire bjørnar i området.

(©NPK)