Ein person vart drepen nær byen Qarara sør på Gazastripa, og ein annan vart drepen i eit hus i ein strandleir for flyktningar i Gaza by, ifølgje helsepersonell.
Seinare torsdag vart ein bilist drepen i eit luftangrep, også dette skjedde i Gaza by.
Det israelske forsvaret (IDF) har førebels ikkje kommentert nokon av hendingane.
Ei våpenkvile i oktober i fjor førte til stans i dei hardaste kampane i det øydelagde palestinske området, men dei israelske angrepa har halde fram. Frå Israel er beskjeden at angrepa har som mål å stansa angrep frå Hamas og andre militante på Gazastripa.
Hamas skuldar på si side Israel for å bryta våpenkvila og undergrava alle forsøk på å setja i verk planen til USAs president Donald Trump for å få ein slutt på konflikten. Planen inneber mellom anna israelsk tilbaketrekking og avvæpning av Hamas.
Meir enn 1300 palestinarar har vorte drepne i Gaza sidan våpenkvila tredde i kraft for ti månader sidan, ifølgje helsetenestepersonar i Gaza. Israel har opplyst at fire israelarar har vorte drepne i den same perioden.
(©NPK)
0 kommentarer