(NTB-NPK): Lagmannsretten konkluderte i juni med at konsesjonsvedtaket for Øyfjellet vindkraftverk i Vefsn er ugyldig. No ankar vindkraftselskapet.

Det melder NRK og Europower.

I juni konkluderte Hålogaland lagmannsrett med at konsesjonsvedtaket, altså løyvet Øyfjellet Wind AS har fått til å byggje vindkraftverk i Vefsn, var ugyldig. Årsaka er at det ikkje er tilstrekkeleg utgreidd.

Øyfjellet Wind er Noregs største vindkraftverk.

Lagmannsretten konkluderte då med at vindkraftselskapet må betale sakskostnader for Jillen-Njaarke reinbeitedistrikt på rundt 4 millionar kroner og for Berit Kristine Hætta på 2,2 millionar kroner.

No har kraftselskapet bestemt seg for å anke avgjerda til Høgsterett.

– Om avgjerda frå lagmannsretten får bli ståande, vil det skape uklarleik og uvisse for mange prosjekt, seier advokat Pål Martin Abell i Haavind, som representerer selskapet, til NRK.

Konflikten har gått føre seg i fleire år. Allereie i 2014 klaga reindrifta på konsesjonsvedtaket til kraftverket, skriv Europower.

(©NPK)