(NPK-NTB): Stadig fleire bussar er produserte i land Noreg ikkje har tryggingspolitisk samarbeid med. Samferdselsdepartementet har sendt forslag til tiltak for å redusere risikoen dette kan medføre på høyring.

– I ei meir spent verd er det avgjerande at vi tek grep som varetek nasjonale tryggingsinteresser. Bussar er viktige for kvardagsreisene våre, men også for sivile og militære behov i kriser og krig, seier samferdselsminister Jon-Ivar Nygård.

Han understrekar at det er viktig at Noreg ikkje blir for avhengig av éin leverandør eller eitt land i busstransporten.

Blant tiltaka som blir foreslåtte, er eit nytt unntak frå nullutsleppskravet ved offentlege bussanskaffingar der det må til for å vareta omsynet til tryggleik og beredskap.

Det blir også foreslått ein rettleiar til fylkeskommunane og andre offentlege innkjøparar om tryggingsomsyn i bussanskaffingar.

– Regjeringa er opptekne av at vi skal ha ein motstandsdyktig transportsektor som bidreg til Noregs samla forsvarsevne, seier Nygård.

Høyringa har frist 19. november 2026.

(©NPK)