(NPK-NTB): Den venstreorienterte Angie Nixon tok ein overraskande siger for Demokratane i nominasjonsvalet i Florida. Ho danka ut ein moderat kandidat med langt større budsjett i valkampen.

Nixon slo med god margin veteranen Alex Vindman, ein pensjonert oberstløytnant og tidlegare tenestemann i Det nasjonale tryggingsrådet.

Nixon hadde samla inn berre ein brøkdel av Vindmans valkamp-budsjett og vart rekna som ein underdog.

Ho blir rekna som ein del av ei venstrebølgje i Demokrat-partiet og blir samanlikna med New York-ordførar Zohran Mamdani og andre venstreprofilar i partiet.

Nixon møter sitjande republikanar-senator Ashley Moody i det kommande kongressvalet 3. november.

Primærvala leier opp til mellomvalet der det skal veljast representantar til heile Representanthuset og over ein tredel av seta i Senatet.

Representantane i Representanthuset blir valde for to år om gongen, medan senatorane blir valde for seks år om gongen.

(©NPK)