(NPK-NTB): Natt til onsdag skaut ein person mot politiet under ein væpna aksjon ved ein bustad på Dyrøy i Troms. Ingen er skadde, men situasjonen er framleis uendra.

– Situasjonen er ganske fastlåst, sa operasjonsleiar Per Arve Aas i Troms politidistrikt til NTB klokka 6 onsdag morgon.

Då var det rundt tolv timar sidan politiet melde om ein væpna aksjon på Dyrøy i Troms.

Klokka 18 tysdag melde politiet at dei hadde rykt ut for å utføre ein velferdssjekk, men at dei trekte seg tilbake etter å ha vorte trua med det som vart oppfatta som eit våpen.

I løpet av natta har vedkommande løyst skot mot politiet. Ingen skal ha vorte skadde. Kor mange skot som vart avfyrte, er ikkje kjende, men vedkommande skal ha brukt eit tohandsvåpen, seier Aas.

Det har ikkje vore noko kommunikasjon med vedkommande i løpet av natta.

– Vi har ein person i huset, og vi har kontroll på vedkommande. Publikum er trygge, sa politistasjonssjef John-Kåre Granheim til Nordlys klokka 11 onsdag.

Like før klokka 15 opplyser Granheim at situasjonen er uendra.

(©NPK)