(NPK-NTB-Reuters): USA hevdar å ha avdekt og stansa ein større kinesisk hackaroperasjon mellom anna retta mot den amerikanske sentralbanken, justisdepartementet, Senatet og Nasa.

Ifølgje FBI og det amerikanske justisdepartementet er det teke beslag i domene som blir nytta av to hackarplattformer kalla QScan og QTRouter.

Rettsdokument viser etter seiande at dei to plattformene vart skapte og drifta av den statsstøtta kinesiske gruppa QTFY, som er hyra av Nanjing Xinjiuwei Network Technology Company i Kina.

– Statsstøtta vondsinna hackarar som angrip amerikansk kritisk infrastruktur, vil bli stoppa og straffeforfølgde, seier justisminister Todd Blanche.

Den kinesiske ambassaden i Washington har ikkje svart på spørsmål frå Reuters i saka, men kinesiske styresmakter avviser rutinemessig skuldingar om at dei står bak hacking i andre land.

(©NPK)