(NPK-NTB-AFP): Omtrent 14.000 menneske døydde som følgje av varmen i Tyskland i sommar, viser nye tal.

Rundt 9600 av dødsfalla skjedde på éi veke i slutten av juni, då temperaturen steig over 40 grader i landet.

Det er Robert Koch-instituttet som samlar dataa. Instituttet har samla inn data om varmedødsfall i ti år. Den tidlegare rekorden var 8900 dødsfall i 2018.

Tyske helsestyresmakter opplyser at dei fleste som har døydd på grunn av varmen, er over 75 år.

Denne sommaren har hete og tørke ramma Europa hardt. Delar av kontinentet har opplevd fleire hetebølgjer og store skogbrannar. I fleire land har tusenvis av menneske mista livet som følgje av varmen.

(©NPK)