(NTB-Reuters-AFP-NPK): Menneskesmuglarar har skulda for at nær 50.000 menneske har teke seg inn i den spanske eksklaven i Nord-Afrika det siste døgnet, meiner statsministeren i Spania.

– Det som skjedde i går i Ceuta, var eit angrep, ei krenking av spansk territorial suverenitet, seier Spanias statsminister Pedro Sánchez på ein pressekonferanse i Ceuta fredag.

– Spanske styresmakter står saman med Ceuta, sa han vidare.

Han skuldar på kriminelle nettverk som han meiner har tolka spansk høgsterett til eigen fordel.

I ei avgjerd i spansk høgsterett tidlegare i juli heiter det at migrantar som kjem sjøvegen, ikkje straks kan pressast tilbake over grensa. Det til forskjell frå dei som kjem til Spania via landegrenser.

Spania set no fortgang i å sende heim dei som har teke seg ulovleg inn i Ceuta sidan i går.

Sánchez takkar samtidig Marokko for samarbeidet om utsendingar.

(©NPK)