(NTB-NPK): Det blir dobbelt norsk i den svenske versjonen av «Skal vi danse» i haust. Både Petter Northug og Martinus Gunnarsen stiller.

Fleire svenske medium har meldt at dei to er deltakarar i «Let’s dance», men no stadfestar nordmennene det sjølv – på svenske «Nyhetsmorgon».

Petter Northug er kjend for å ha stor sjølvtillit i skisporet, men den tek han ikkje med seg på dansegolvet.

– Eg har null sjølvtryggleik når eg inntek dansegolvet, seier han ifølgje Aftonbladet.

Også Gunnarsen trur det blir ein utfordrande haust.

– Det er veldig nytt for meg, men eg liker nye utfordringar, seier han.

Han stiller utan tvillingbroren Marcus, den andre halvdelen av «Marcus & Martinus». Årsaka er rett og slett at det var Martinus som hadde mest lyst, fortel han.

– Men eg veit at han kjem til å sjå på, heime eller her, seier han.

«Let’s dance» har premiere i Sverige 21. august.

(©NPK)