(NPK-NTB): Statistisk sentralbyrå (SSB) peikar på ein auke i olje- og gassprisar som følgje av stenginga av Hormuzsundet som den viktigaste årsaka til overskotet.

Den norske handelsbalansen hadde eit overskot på 232 milliardar kroner i andre kvartal, viser nye tal frå Statistisk sentralbyrå (SSB).

Det er ein auke på 101 milliardar kroner frå same kvartal året før.

Eksporten av olje og gass steig med 35 prosent. Overskotet utgjer 20 prosent av BNP for Fastlands-Noreg.

Samla eksporterte Noreg varer og tenester for 701 milliardar kroner, målt i løpande prisar. Det er ein auke på 18 prosent frå same periode i fjor.

Vareeksporten åleine utgjorde 533 milliardar kroner, ein oppgang på 24 prosent frå andre kvartal 2025.

Import av varer og tenester utgjorde 469 milliardar kroner, omtrent på same nivå som i fjor.

Oljefondet hadde ein samla kursgevinst på 2476 milliardar kroner i perioden, hovudsakleg drive av prisgevinstar på viktige børsar i utlandet.

Nettofinansinvesteringane enda på 470 milliardar kroner. Eit høgt tal samanlikna med dei siste åra, skriv SSB.

(©NPK)