(NTB-AFP-Reuters-NPK): 25 personar er stadfesta omkomne etter jordskjelvet som ramma Japan tysdag, opplyser japanske styresmakter. Ni dødsfall til er under etterforsking.

Skjelvet vart målt til 6,8 i styrke og skjedde rundt 20 kilometer sør for byen Kumamoto.

Mellom anna kollapsa andre etasje på eit kjøpesenter i byen Kashima, og i ein fabrikk i byen Yatsushiro kollapsa ei pipe og gravla folk under murblokkene.

25 personar er stadfesta omkomne etter jordskjelvet, ifølgje lokale styresmakter. Ni andre dødsfall blir etterforska for å fastslå om dei var knytte til skjelvet.

Rundt 250.000 menneske har søkt tilflukt i evakueringssenter. Rundt 58.000 husstandar er framleis utan rennande vatn eller straum. Det er ikkje klart om det vil ta dagar, veker eller månader å reparere vassleidningane, ifølgje lokale tenestemenn.

Japan med sine rundt 120 millionar innbyggjarar er blant dei mest jordskjelvutsette landa i verda. Dei japanske øyane ligg over fire tektoniske plater som bevegar seg langs den vestlege kanten av Stillehavet.

Rundt 18 prosent av dei kraftigaste jordskjelva i verda finn stad i Japan.

(©NPK)