(NTB-NPK): Den britiske kjendiskokken Gordon Ramsay viste seg i vadarar og med flugestong i handa i Stjørdalselva torsdag.

59-åringen er på ferie i Trøndelag og bur no på Britannia Hotel i Trondheim, skriv Adresseavisen.

Torsdag tok han turen austover i håp om å lure ein villaks opp på land.

Rike britar har sidan midten av 1800-talet søkt seg til Noreg for å drive med flugefiske i norske lakseelvar.

Bilete frå staden viser likevel at Ramsay ikkje iførte seg den typiske tweeddressen som lakselordane var kjende for.

Briten er blant dei mest berømte kokkane i verda og er kjend for mange frå TV-programma sine.

(©NPK)