(NTB-NPK): Fiskeridirektoratet skriv i sosiale medium at sal av fisk på plattformer som Facebook er ulovleg.

– Vi ser fleire som prøver å selje fisk i kjøp-og-sal-grupper på Facebook. Dersom du ikkje har løyve, er ikkje dette lovleg, skriv direktoratet.

Ulovleg sal kan føre til inndraging av utstyr, bøter og straff, skriv NRK.

– Utan løyve kan du ikkje selje fisk som du har fiska som privatperson eller turistfiskar. Det gjeld anten det er torsk, sei, krabbe eller annan sjømat, og uansett pris.

Dei som kjøper sjømat ulovleg kan også bli haldne ansvarlege.

(©NPK)