(NPK-NTB): Arbeidsløysa i Noreg fall til 4,5 prosent i juli, viser nye tal frå SSB. Fleire unge har komme i arbeid.

Det var 138.000 arbeidsledige personar i juli, som svarer til 4,5 prosent av arbeidsstyrken, skriv SSB i den månadlege Arbeidskraftundersøkinga (AKU).

– Etter at arbeidsløysa ei stund har lege på 4,7 prosent, viser dei siste tala at ho har komme ned på 4,5, seier seksjonssjef Tonje Køber i SSB.

Blant personar i alderen 15–24 år er det registrert ein auke i sysselsetjingsgrada på 1,1 prosentpoeng og ein nedgang i arbeidsløysa på 0,6 prosentpoeng.

I første halvår auka talet på jobbar med 6500 i Noreg, ein auke på 0,2 prosent. Flest nye jobbar kom innan helse- og sosialtenester og offentleg administrasjon. Innan bygg- og anleggsbransjen vart det 1450 færre jobbar i første halvår.

(©NPK)