(NTB-AFP): Soldatar kan få fire fridagar i samband med lanseringa av videospelet, i byte mot at dei forlengjer tenesta si.

Soldatar i den 9. ingeniørbataljonen i brigaden Fort Steward i Georgia, som fornyar kontrakten sin mellom 1. august og 14. november, vil kvalifisere for dei fire fridagane.

Tilbodet krev at soldatane takkar ja til minst to år til i teneste. Så langt har 20 av 130 kvalifiserte soldatar takka ja til tilbodet, opplyser oberstløytnant Angel Tomko.

Videospelet «GTA VI» har vore svært etterlengta av GTA-fans. Spelet blir beskrive som eit «ope verd action-eventyrspel». Førre utgåve, «GTA V», kom ut i 2013.

Den sjette utgåva har vore under utvikling i seks år og har kosta opp mot to milliardar kroner. Lanseringsdatoen er 19. november.

(©NPK)