Carine Smith Ihenacho sluttar i Noregs Bank etter ni år i fondet. Ho held fram som direktør for eigarskap og etterleving ut året.

Carine Smith Ihenacho har bestemt seg for å gå ut av Noregs Bank Investment Management.

Smith Ihenacho kom til fondet i 2017. I 2018 vart ho forfremja til direktør og medlem av leiargruppa til fondet.

– Dei siste ni åra i NBIM har vore nokre av dei mest givande i mitt yrkesliv, og det har vore eit privilegium å bidra til oppdraget til fondet. Eg har bestemt meg for at dette er rett tidspunkt for å utforske nye utfordringar og starte eit nytt kapittel i arbeidslivet, seier Smith Ihenacho.

Leiar Nicolai Tangen takkar henne for innsatsen.

– Carine etterlèt seg eit varig fotavtrykk i fondet. Det banebrytande arbeidet hennar, den strategiske tenkinga og evna hennar til å kommunisere har vore avgjerande for suksessen til fondet, seier Tangen.

(©NPK)