(NPK-NTB-Reuters): Den bosnisk-serbiske generalen Ratko Mladić (84), som sonar livstid for folkemord og krigsbrotsverk, er død.

Det er den statlege serbiske TV-kanalen Informer som melder om dødsfallet torsdag.

Mladić fekk eit slag i april, og situasjonen vart då beskriven som alvorleg.

Mladic fekk tilnamnet Slaktaren frå Bosnia. Ein FN-domstol dømde han i 2017 til livsvarig fengsel for folkemord og krigsbrotsverk under Bosnia-krigen på 1990-talet.

Mellom anna vart han funnen skuldig i å hatt ei rolle under kringsetjinga av Sarajevo og massakren i Srebrenica i 1995, der rundt 8000 bosnisk-muslimske menn og gutar vart drepne.

Internasjonale domstolar har definert massakren som folkemord.

I juli i fjor avviste FN-domstolen eit krav om tidleg lauslating. Retten meinte då at helsetilstanden hans ikkje oppfylte kravet om ein akutt, terminal sjukdom.

(©NPK)