(NPK-NTB): Ein mann i slutten av 30-åra er i Sør-Rogaland tingrett dømd til fengsel i ni månader for å ha hatt seksuell omgang med ei jente under 16 år.

Mannen nekta straffskuld.

Han trefte ifølgje dommen jenta på ein rutebuss i regionen og tok henne så med til eit toalett på ein serveringsstad der overgrepet skjedde.

Han er også dømd til å betale 60.000 kroner i oppreising til den fornærma jenta.

Dommen er éin månad kortare enn påstanden som aktoratet la ned.

(©NPK)