(NPK-NTB): 47,7 prosent av fordrivne frå Ukraina i arbeidsfør alder er i jobb, ein vesentleg auke sidan same tid i fjor.

Totalt er 31.730 innvandrarar frå Ukraina i arbeid og får lønn i Noreg, og 80 prosent av dei har innvandra etter invasjonen i februar 2022, viser tal frå Statistisk sentralbyrå (SSB).

– Det viser at innsatsen frå kommunar, arbeidsgivarar og ikkje minst ukrainarane sjølve gir resultat, seier arbeids- og inkluderingsminister Kjersti Stenseng (Ap) i ei pressemelding.

Fleirtalet jobbar innan helse- og sosialtenester, varehandel, overnattings- og serveringsverksemd, og industri. Andelen er høgast i Tromsø (54,3 prosent) og lågast i Telemark (41,7 prosent).

(©NPK)